Энгадинде (Швейцария) фристайл-могулдан әлем чемпионаты басталды. Турнир аясында әйелдер арасындағы іріктеу кезеңі өтті.
Қазақстан әйелдер құрамасы атынан чемпионатқа Юлия Галышева, Анастасия Городко және Юлия Феклистова қатысты.
Іріктеу кезеңінен өту үшін үздік 20 спортшының қатарына ену қажет болды. Нәтижесінде, Галышева тоғызыншы орынға, ал Городко 15-орынға ие болды. Осылайша, олар негізгі жарыстарға жолдама алды.
Феклистова жарысты 24-орынмен аяқтады.