Жанбота Алдабергенова шаңғы спортынан Еуропа кубогының күміс жүлдегері атанды

Финляндияның Рука қаласында фристайл-акробатикадан Еуропа кубогы аяқталды. Қазақстандық Жанбота Алдабергенова турнирдің күміс жүлдегері атанды, - деп хабарлайды ҰОК баспасөз қызметі.

Жарыс қорытындысы бойынша қазақстандық спортшы 170.08 ұпай жинады. Бірінші орынды аустралиялық Лаура Пил иеленген. Қола жүлдені украиналық Анастасия Новосад еншіледі. Ол 153.92 ұпай жинаған.

Қазақстан атынан сынға түскен Ақмаржан Қалмұрзаева мен Аяна Жолдас 13 және 17-орындарды қанағат тұтты.

Жарысқа 8 мемлекеттен 25 спортшы қатысты.