Еркін күрес балуандары Тампереден жүлде ала алмады
Пікірлер
blog.share
Финляндияның Тампере қаласында жастар арасында әлем чемпионаты өтіп жатыр. Жарыстың екінші күні еркін күрес шеберлері төрт салмақ дәрежесі бойынша жеңімпаздар мен жүлдегерлерді анықтап, доданы қорытындылады.
Әлем чемпионатының шымылдығын еркін күрес шеберлері ашты. Олар 4 салмақ дәрежесінде белдесті.
50 келі салмақта ел намысын қорғаған Рахат Қалжан қола медаль алудың сәл-ақ алдында тұр еді. Алғашқы айналымда ол молдовалық Лон Топаланы ойсырата ұтып (11:0), белдесуді уақытынан бұрын аяқтады. Сөйтіп, ширек финалда АҚШ балуаны Малик Шон Хайнселманды 8:2 есебімен жеңіп, жартылай финалға жолдама алды. Өкінішке қарай, финалға біртабан жақын қалған тұста армениялық Карен Зурабяннан 2:5 есебімен ұтылып қалды.
Қола медаль үшін болған белдесуде Рахат моңғолиялық Насанбуян Нармандахтан да айласын асыра алмады. Осылайша, қола медаль үшін таласқан балуанымыз жарысты бесінші орынмен аяқтады.
Бүгін күрескен басқа балуандарымыздың нәтижелеріне келсек, 60 келі салмақтағы Аслан Қуанышбеков бірінші белдесуінде моңғолиялық балуаннан ұтылып, жарыстан шығып қалды. 74 келі салмақтағы Жақсылық Сұлтан да бірінші айналымда грузин балуанына есе жіберді. 96 келідегі Әлішер Ерғали 1/8 финалда молдовалық балуанды ұтқанымен ширек финалда АҚШ балуанынан айласын асыра алмады.
Өкінішке қарай, әлем чемпионатының екінші күні бозкілемге шыққан жас балуандарымыз жүлдесіз қалды. 55 келі салмақта күрескен жасөспірімдер арасында Олимпиада чемпионы Қуатбек Мұхамедке зор үміт артқан едік. Алайда, Қуатбек алғашқы айналымда ирандық балуаннан 4:5 есебімен ұтылып, жарыстан шығып қалды.
66 келі салмақта Дархан Есенғали бірінші белдесуінде финляндиялық қарсыласын ұтып, қуантып еді. Бірақ, 1/8 финалда оның жолын армениялық балуан бөгеді. Осылайша, Дархан да чемпионатты жүлдесіз аяқтады.
84 және 120 келі салмақтағы балуандарымыз да бірінші айналымнан ары аса алмады. 84 келідегі Алмас Жүніс түрік балуанына 4:8 есебімен ұтылса, аса ауыр салмақтағы алыбымыз Әділбек Ботабек армениялық қарсыласына 0:10 есебімен есе жіберді.
Сонымен екі күнге созылған еркін күрес балуандарының бәсекесінде Ресей балуандары сегіз салмақтың төртеуінде топ жарды. АҚШ балуандары да биылғы додаға өте жақсы дайындықпен келгендерін көрсетті. Американдықтардың алты балуаны финалға шығып, соның үшеуі бас жүлде алды. Әзірбайжан құрамасы бір алтын медальмен ғана шектелді.
blog.share
Финляндияның Тампере қаласында жастар арасында әлем чемпионаты өтіп жатыр. Жарыстың екінші күні еркін күрес шеберлері төрт салмақ дәрежесі бойынша жеңімпаздар мен жүлдегерлерді анықтап, доданы қорытындылады.
Әлем чемпионатының шымылдығын еркін күрес шеберлері ашты. Олар 4 салмақ дәрежесінде белдесті.
50 келі салмақта ел намысын қорғаған Рахат Қалжан қола медаль алудың сәл-ақ алдында тұр еді. Алғашқы айналымда ол молдовалық Лон Топаланы ойсырата ұтып (11:0), белдесуді уақытынан бұрын аяқтады. Сөйтіп, ширек финалда АҚШ балуаны Малик Шон Хайнселманды 8:2 есебімен жеңіп, жартылай финалға жолдама алды. Өкінішке қарай, финалға біртабан жақын қалған тұста армениялық Карен Зурабяннан 2:5 есебімен ұтылып қалды.
Қола медаль үшін болған белдесуде Рахат моңғолиялық Насанбуян Нармандахтан да айласын асыра алмады. Осылайша, қола медаль үшін таласқан балуанымыз жарысты бесінші орынмен аяқтады.
Бүгін күрескен басқа балуандарымыздың нәтижелеріне келсек, 60 келі салмақтағы Аслан Қуанышбеков бірінші белдесуінде моңғолиялық балуаннан ұтылып, жарыстан шығып қалды. 74 келі салмақтағы Жақсылық Сұлтан да бірінші айналымда грузин балуанына есе жіберді. 96 келідегі Әлішер Ерғали 1/8 финалда молдовалық балуанды ұтқанымен ширек финалда АҚШ балуанынан айласын асыра алмады.
Өкінішке қарай, әлем чемпионатының екінші күні бозкілемге шыққан жас балуандарымыз жүлдесіз қалды. 55 келі салмақта күрескен жасөспірімдер арасында Олимпиада чемпионы Қуатбек Мұхамедке зор үміт артқан едік. Алайда, Қуатбек алғашқы айналымда ирандық балуаннан 4:5 есебімен ұтылып, жарыстан шығып қалды.
66 келі салмақта Дархан Есенғали бірінші белдесуінде финляндиялық қарсыласын ұтып, қуантып еді. Бірақ, 1/8 финалда оның жолын армениялық балуан бөгеді. Осылайша, Дархан да чемпионатты жүлдесіз аяқтады.
84 және 120 келі салмақтағы балуандарымыз да бірінші айналымнан ары аса алмады. 84 келідегі Алмас Жүніс түрік балуанына 4:8 есебімен ұтылса, аса ауыр салмақтағы алыбымыз Әділбек Ботабек армениялық қарсыласына 0:10 есебімен есе жіберді.
Сонымен екі күнге созылған еркін күрес балуандарының бәсекесінде Ресей балуандары сегіз салмақтың төртеуінде топ жарды. АҚШ балуандары да биылғы додаға өте жақсы дайындықпен келгендерін көрсетті. Американдықтардың алты балуаны финалға шығып, соның үшеуі бас жүлде алды. Әзірбайжан құрамасы бір алтын медальмен ғана шектелді.
Әлем чемпионатының шымылдығын еркін күрес шеберлері ашты. Олар 4 салмақ дәрежесінде белдесті.
50 келі салмақта ел намысын қорғаған Рахат Қалжан қола медаль алудың сәл-ақ алдында тұр еді. Алғашқы айналымда ол молдовалық Лон Топаланы ойсырата ұтып (11:0), белдесуді уақытынан бұрын аяқтады. Сөйтіп, ширек финалда АҚШ балуаны Малик Шон Хайнселманды 8:2 есебімен жеңіп, жартылай финалға жолдама алды. Өкінішке қарай, финалға біртабан жақын қалған тұста армениялық Карен Зурабяннан 2:5 есебімен ұтылып қалды.
Қола медаль үшін болған белдесуде Рахат моңғолиялық Насанбуян Нармандахтан да айласын асыра алмады. Осылайша, қола медаль үшін таласқан балуанымыз жарысты бесінші орынмен аяқтады.
Бүгін күрескен басқа балуандарымыздың нәтижелеріне келсек, 60 келі салмақтағы Аслан Қуанышбеков бірінші белдесуінде моңғолиялық балуаннан ұтылып, жарыстан шығып қалды. 74 келі салмақтағы Жақсылық Сұлтан да бірінші айналымда грузин балуанына есе жіберді. 96 келідегі Әлішер Ерғали 1/8 финалда молдовалық балуанды ұтқанымен ширек финалда АҚШ балуанынан айласын асыра алмады.
Өкінішке қарай, әлем чемпионатының екінші күні бозкілемге шыққан жас балуандарымыз жүлдесіз қалды. 55 келі салмақта күрескен жасөспірімдер арасында Олимпиада чемпионы Қуатбек Мұхамедке зор үміт артқан едік. Алайда, Қуатбек алғашқы айналымда ирандық балуаннан 4:5 есебімен ұтылып, жарыстан шығып қалды.
66 келі салмақта Дархан Есенғали бірінші белдесуінде финляндиялық қарсыласын ұтып, қуантып еді. Бірақ, 1/8 финалда оның жолын армениялық балуан бөгеді. Осылайша, Дархан да чемпионатты жүлдесіз аяқтады.
84 және 120 келі салмақтағы балуандарымыз да бірінші айналымнан ары аса алмады. 84 келідегі Алмас Жүніс түрік балуанына 4:8 есебімен ұтылса, аса ауыр салмақтағы алыбымыз Әділбек Ботабек армениялық қарсыласына 0:10 есебімен есе жіберді.
Сонымен екі күнге созылған еркін күрес балуандарының бәсекесінде Ресей балуандары сегіз салмақтың төртеуінде топ жарды. АҚШ балуандары да биылғы додаға өте жақсы дайындықпен келгендерін көрсетті. Американдықтардың алты балуаны финалға шығып, соның үшеуі бас жүлде алды. Әзірбайжан құрамасы бір алтын медальмен ғана шектелді.
Жарнама