ПСЖ "Монако" клубының 18 жастағы шабуылшысы Мбаппені сатып алмақшы

"Монако" мен Франция құрамасының шабуылшысы Килиан Мбаппе ПСЖ клубына ауысуы мүмкін. L'Equipe мәліметінше, париждықтардың спорттық директоры Антеру Энрике мен клуб президенті Нассер Аль-Хелайфи футболшы мен оның әкесімен кездесу ұйымдастырған. 

Мбаппені "Монако" бергісі жоқ. ПСЖ-дан бөлек бұл футболшыға басқа клубтарда да қызығушылық танытып отыр. Өткен маусымда Мбаппе Франция чемпионатында 29 ойын өткізіп, оның 15-інде гол салған. 11 рет нәтижелі пас шығарған. Осылайша "Монак" 2000 жылдан бері бірінші рет чемпион атанды. 

Мбаппе Чемпиондар лигасында да жақсы өнер көрсетті. Тоғыз ойында ол алты гол салды, ал оның командасы жартылай финалға дейін шықты. 

2017 жылы Мбаппе Франция құрамасы үшін төрт ойын өткізді.