ПСЖ футболшысы Instagram желісінде лайк басқаны үшін жазаланды

Француздық "Пари Сен-Жермен" клубының жартылай қорғаушысы Адриен Рабьоны Instagram желісінде "Манчестер Юнайтед" экс-қорғаушысы Патрис Эвраның жазбасына лайк басқаны үшін жазаланды, - деп хабарлайды Marca.

Эвра Instagram желісіндегі парақшасында Чемпиондар лигасының 1/8 финалының қорытындысы бойынша "МЮ" ПСЖ-ны жеңгеніне байланысты қуанып жатқаны видеосын жариялаған. Осы видеоны тамашалап, лайк басқан Рабьоның әрекетіне наразылық білдірген клуб өкілдері оған тәртіптік жаза қолданды - алты ойынға қатыспайды. 

Осы маусымда Рабьо ПСЖ сапында 20 ойын өткізіп, екі гол салды. Осыған дейін, Франция құрамасының хавбегі мадридтік "Реалға" ауысу туралы ауызша келісім алғаны айтылды.