Неймар ПСЖ командасымен келісімшартын ұзартатын болды

Сурет ПСЖ клубының сайтынан алынды.

Бразилиялық шабуылшы Неймар "Пари Сен-Жермен" командасымен келісімшартын ұзартатын болды. Бұл туралы Qatar Today басылымы хабарлап отыр.

Шабуылшы командамен төрт жылға келісімшартын ұзартуға келісім берді. Екі тарап жуық арада жаңа келісімшартқа қол қоюлары керек.

Айта кетейік, Неймардың ПСЖ командасымен қазіргі келісімшарты 2022 жылдың жазында аяқталады. Ол париждік команда сапына 2017 жылы "Барселонадан" 222 миллион еуроға ауысып келген болатын.