Ұлттық құрамамыз жастар құрамасынан 2 гол жіберді

Қазақстан Ұлттық құрамасы 2018 жылғы Әлем біріншілігіне іріктеу кезеңі аясында өтетін Данияға қарсы кездесу алдындағы Талғар қаласында дайындықтарын пысықтады, деп хабарлайды ҚФФ баспасөз қызметі.

Александр Бородюк баптайтын футболшылар Қазақстан жастар құрамасымен күш сынасты. Аталмыш кездесуде Ұлттық құрама 3:2 есебімен жеңіске жетті. Гол авторлары: Азат Нұрғалиев, Бауыржан Исламхан және Таңат Нөсербаев. Ал жастар құрамасы сапынан Оралхан Өміртаев пен Александр Соколенко көзге түсті.

Қазақстан - Дания матчы 10-шы маусым күні Алматы қаласының Орталық стадионында өтеді. Басталуы жергілікті уақытпен 22:00-де.