УЕФА Ұлттар лигасы - Қазақстан құрамасы әлсіздер қатарында

©kff.kz

2018 жылдың қаңтарында УЕФА-ның жаңа жобаларының бірі - Ұлттар лигасының алғашқы матчтары өтеді. Аталған турнирде 55 құрама төрт дивизионға бөлінеді. Бірақ құрамалардың дивизонға қалай бөлінетіні әзірге белгісіз болып тұр. Осы орайда Uefa.com жаңа жобаның жүйесін назарларыңызға ұсынып отыр.

- Төрт дивизионың құрамы A дивизионы – рейтингтің алдыңғы легіндегі, деңгейлері жоғары 12 құрама, олар төрт топқа үш командадан жіктеледі;

- B дивизионы – рейтингтегі келесі 12 құрама, олар да төрт топқа үш командадан бөлінеді;

- C дивизионы – УЕФА рейтингісінде 25-39 орындарға орналасқан 15 құрама, мұндағы үш топта төрт командадан, ал біреуінде үш команда болады;

- D дивизионы – УЕФА рейтингісінің 40-55 орындарында сап түзеген 16 құрама, олар төрт топқа тең бөлінеді;

- Жеребе тарту рәсімі кейін өтеді;

- B, C және D дивизиондарында топ жарғандар бір саты жоғарылайды, ал A, B және C дивизиондарында көш соңында қалғандар төменгі дивизионға түсіп қалады.

Қазіргі рейтинг ескерілсе, дивизиндар қандай болар еді?

Ұлттық құрамалар үшін УЕФА-ның рейтингі 2016 жылдың 14 қарашасында жасалған. Егер Ұлтnар лигасы дивизиондарының құрамы осы рейтинг бойынша құрылса, командалар былай топтасар еді...

А дивизионы (үш құрамадан төрт топ)
Германия, Франция, Бельгия, Португалия, Швейцария, Испания, Англия, Италия, Хорватия, Польша, Ирландия, Украина

B дивизионы (үш құрамадан төрт топ)
Нидерланд, Ресей, Исландия, Венгрия, Уэльс, Босния және Герцеговина, Швеция, Греция, Словакия, Австрия, Израиль, Словения

C дивизионы (үш құрамадан бір топ және төрт құрамадан үш топ)
Солтүстік Ирландия, Румыния, Чехия, Түркия, Албания, Дания, Черногория, Сербия, Болгария, Шотландия, Норвегия, Литва, Әзірбайжан, Кипр, Финляндия

D дивизионы (төрт құрамадан төрт топ)
Эстония, Беларусь, Грузия, Армения, Латвия, Фарер аралдары, Қазақстан, Молдова, Люксембург, Македония, Косово, Лихтенштейн, Мальта, Андорра, Сан-Марино, Гибралтар

Әлеуметтік желілерде бөлісу