Павлодардың орталық стадионы «Ертістің» қарауына өтті

Павлодар қаласындағы «Орталық» стадион «Ертіс» футбол клубына сенімгерлік басқаруға тапсырылды, деп хабарлайды клубтың баспасөз қызметі.

Сенімгерлік басқару уақыты 5 жыл. Бұл уақыт аралығында клуб стадионды сатып ала алмайды.

Талап бойынша клуб әкімшілігі стадионда мәдени-сауық, спорттық шараларды ұйымдастырып отыруы керек.

Бір айдың ішінде алаңда әр спорт түрінен 20-дан аса сайыс өткізілуі тиіс.
Сонымен қатар, бірінші және екінші топ мүгедектеріне тегін қызмет көрсетіп, жұмыскерлердің санын және орнын сақтап қалуы керек.

Бұдан басқа, өз қаражатына стадионды күтумен айналысып, коммуналдық төлемдерді өтеуі қажет.

Келісімшартта жоғарыда көрсетілген талаптардан бөлек өзге де шарттар бар.