"Ордабасы" командасына техникалық жеңіліс жазылды

Шымкенттік "Ордабасы" командасына Қазақстан кубогінде техникалық жеңіліс жазылды, деп хабарлайды Қазақстанның кәсіпқой футбол лигасы. 

"Қазақстанның кәсіпқой футбол лигасы Қазақстан кубогінің 5-турында "Шахтер" - "Ордабасы" ойынына шымкенттік клубтың сапында Жавланбек Бабаназаров заңсыз қатысқаны үшін Қазақстан футбол федерациясының Тәртіптік бақылау комитетінің шешімімен кездесу нәтижесі жойылды деп хабарлайды. "Ордабасы" футбол клубына 0:3 техникалық есебімен жеңіліс тіркелді", - делінген ҚКФЛ сайты таратқан ақпаратта. 

Еске салайық, "Ордабасы" бұл ойында қарсыласынан 2:3 есебімен жеңіліп қалды. Сондықтан да техникалық жеңіліс екі командаға да қатты әсер етпейді.