"Оқжетпес" сапына Козлов қосылды

Көкшетаулық "Оқжетпес" футбол клубы ресейлік Александр Козловпен толықты, деп жазады Vesti.kz клубтың ресми сайтына сілтеме жасап. 

Мәскелік "Спартак" футбол клубының түлегі қазақстандық клубпен бір жылдық келісім-шарт жасады. 

23 жастағы шабуылшы бұған дейін "Спартактан" бөлек, воронеждің "Факел" сапында өнер көрсеткен еді. 

Айта кетейік, осы уақытқа дейін "Оқжетпес" клубы Лукас Хорват, Әлібек Аяғанов, Демият Сләмбеков, Данил Цой, Александр Марочкин, Абат Айымбетов және Максим Федин секілді футболшылармен толыққан болатын.