Қазақстандық футболшы карьерасын Грузияда жалғастырады

Грузиялық "Торпедо" Кутаиси 27 жастағы қазақстандық жартылай қорғаушы Магомед Парагульговпен келісімшартқа отырғанын хабарлады.

Магомед Парагульгов осы жылдың ақпан айынан маусым айына дейін "Ақжайық" сапында ойнады. Биылғы маусымда ол небәрі 4 кездесуге қатысты (100 минут). Магомед - Алматы футболының түлегі. Ол "Қайрат", семейлік "Спартак", "Ертіс", "Қайсар" және кипрлік "Эрмис" командаларында доп тепті.

Жалпы алғанда, ол Қазақстан Премьер-лигасында 54 матч өткізіп, 4 гол соққан, 2 нәтижелі пас берген.