Қазақстан құрамасы Кипрмен жолдастық кездесу өткізеді

Футболдан Қазақстан Ұлттық құрамасы 20-24 наурыз аралығында Кипрдің Никосия  қаласында оқу-жаттығу жиынын өткізеді.

Осы оқу-жаттығу жиыны аясында Талғат Байсуфиновтің шәкірттері Кипр құрамасымен жолдастық матч өткізеді. Ойын 22 наурыз күні Никосия қаласындағы GSP стадионында өтеді деп жоспарланып отыр. 

Ал, араға төрт күн салып, яғни 26-наурыз күні Қазақстан құрамасы 2018 жылғы Әлем Чемпионатының іріктеу турнирі аясында Ереван қаласында Армения құрамасымен кездеседі.