Жылдам қалыпқа келіп, Армениямен ойынға дайындалу керек - Александр Бородюк

ҚФФ ресми сайтынан

Қазақстан құрамасының бас бапкері Александр Бородюк ҚФФ баспасөз қызметіне берген сұхбатында Кипр құрамасымен өткен ойынға қатысты пікірін білдірді.

- Александр Генрихович, бұл ойында көңіліңіз толған және толмаған сәттерді атап өтсеңіз?

- Командамен танысу қуанышты болды. Жақсы гол соқтық. Гол соғатын бірнеше мүмкіндіктерді ұйымдастырдық. 60 минут бойы сапалы ойын көрсеттік. 60-минуттан кейін ойын деңгейі түсе бастады. Сол ұнамады. Жеке қателіктерден кейін қақпамызға гол өткізіп алдық. Қателіктермен жұмыс істеу керек. Мұндай деңгейде қателіктер кешірілмейді. Қазақстан чемпионатында осындай қателіктер болуы мүмкін. Алайда, халықаралық матчтарда оларға жол бермеу керек. Кез келген жеңілістен нәтиже шығару міндет. Футболшылардың жаттықтырушылар штабының талабын орындағанын қалаймын. Физикалық және психологиялық тұрғыдан тезірек қалыпқа келіп, Армениямен өтетін ойынға дайындалу керек.

Айта кетейік, Кипрге қарсы жолдастық кездесуде Қазақстан құрамасы уысында тұрған жеңісті жіберіп алды. Таңат Нөсербаев Азат Нұрғалиевтің пасынан кейін допты қақпаға өкшесімен тура бағыттап, есепті ашқанмен, артынша біздің қақпамызға үш бірдей гол кірді. Алдымен, Матидис Нестор таразы басын теңестірсе, артынша Кателарис Фанос гол соқты. Араға бірнеше минут салып Кристофи Димитрис есепті 1:3-ке жеткізді.

Әлеуметтік желілерде бөлісу