Георгий Жуков Қазақстан Ұлттық құрамасының сапына шақырту алды

"Қайрат" ФК ресми сайтынан

Алматылық "Қайрат" клубының жартылай қорғаушысы Георгий Жуков 19-ші наурыз күні басталатын Қазақстан Ұлттық құрамасының жаттығу жиынына шақырту алды, деп хабарлайды Vesti.kz тілшісі клубтың баспасөз қызметіне сілтеме жасай отырып.

"Қайрат" сапынан Жуковтен бөлек алты футболшы шақыртылған. Олар: Стас Покатилов, Владимир Плотников, Гафуржан Суйімбаев, Бауыржан Исламхан, Исламбек Қуат және Бауыржан Тұрысбек.

20-шы наурыз күні Қазақстан құрамасы Кипрге аттанып, екі күннен кейін жергілікті құрамамен жолдастық кездесу өткізеді.

Қазақстан құрамасы 26-шы наурыз күні 2018 жылғы әлем чемпионатының іріктеу кезеңі аясында Ереван қаласында Армения құрамасына қарсы ойын өткізеді.

Айта кетейік, Георгия Жуков "Қайраттың" сапына 2016 жылдың желтоқсан айында қосылған болатын. Келісімшартта футболшының Қазақстан Ұлттық құрамасының сапында міндетті түрде ойнауы қажеттігі жөнінде міндеттеме көрсетілген.

Әлеуметтік желілерде бөлісу