Боранбаев Вайсстың "Қайратқа" қайтып келеді деген сыбысқа қатысты пікір білдірді

Владимир Вайсс

Алматылық "Қайрат" клубының Бақылаушылар кеңесінің төрағасы Қайрат Боранбаев Владимир Вайстың клубқа қайтып келеді деген әңгімеге байланысты пікір білдірді, - деп хабарлайды Vesti.kz.

"Осы жағдайдың басын ашып, анық қанығын түсіндіру мақсатында көптеген сұрақтарға және әлеуметтік желідегі Владимир Вайстың "Қайрат" ФК бас бапкері болады деген қауесеттерге жауап бергім келіп отыр. Бұл шындыққа жанаспайды, себебі, біз Владимир Вайсспен келіссөздер жүргізіп жатқан жоқпыз. Сонымен қатар оның алматылық клубтың бас бапкері болады деп те қарастырған жоқпыз. Қазіргі уақытта біз тек Карлос Алос Феррермен жұмыс істемекшіміз", - деп жазды Боранбаев Instagram желісіндегі парақшасында.

Еске салайық, Владимир Вайс "Қайрат" клубында 2013 жылдың желтоқсанынан бастап, 2015 жылға дейін бапкер қызметін атқарды. Ол кезде "Қайрат" екі рет Қазақстан кубогын ұтып алды. Қазақстан біріншілігінде екі рет күміс бір рет қол жүлдегер атанды. 2014 жылы Вайсс маусымды үш жеңіліспен бастады - барлығы да 0:1 есебімен. Сондықтан да ол қызметінен қуылды. Қазіргі уақытта маман Грузия құрамасын баптап жүр.

Әлеуметтік желілерде бөлісу