"Зор талант. Бізге мықты демеу". "Уфаның" бас директоры Сейдахмет жайлы

"Уфаның" бас директоры Шамиль Газизов командадағы Қазақстан құрамасының форварды Еркебұлан Сейдахметтің болашағы туралы пікір білдірді, - деп хабарлайды "Спорт-Экспресс".

Оның сөзінше, қазақстандық ойыншы ресейлік клуб үшін сүйеу болып отыр. 

- Бұл маусымда Сейдахметтен үлкен үміт күтесіз бе?

- Мұнда бәрі әділ. Ол өткен маусымның соңында жарақат алды. Одан кейін тағы да. Командамен толыққанды жиын өткізбеді. Қалпына келуі қиын өтті, өйткені ойындарымыз көп болды. Қазір сапқа қосылды. Бұл үлкен демеу. Таланты зор жігіт деп ойлаймын! Оған сенеміз, - дейді Газизов. 

Еске салайық, Қазақстан 4:0 есебімен жеңіске жеткен Ұлттар лигасындағы Андоррамен ойында Сейдахмет гол салып, оматчтің үздік ойыншысы атанды.