Зинедин Зидан карантин ережесін бұзды
Мадридтік "Реалдың" бас бапкері Зинедин Зидан пандемияға байланысты енгізілген карантин ережесін бұзды, - деп хабарлайды sport.es.
Зидан Мадрид аумағынан шығып, қала маңындағы ауылдағы үйіне барған. Ереже бұзғаны үшін франциялық маманға 1500 еуро көлемінде айыппұл салынуы мүмкін.
Коронавирустың ары қарай таралуының алдын алу мақсатында Испанияда қала аумағынан шығуға тыйым салынған. Мұндайға ерекше жағдайда ғана рұқста етілген.
Айта кетейік, футболдан Испания чемпионаты 8 маусымда жалғасын табады. Дегенмен Ла Лига қатаң протоколды ұстанады.