Аңызға айналған франциялық маман Зинедин Зидан бапкерлік қызметке жуық арада қайта оралатынын растады, деп хабарлайды Vesti.kz.
Чемпионның оралуы
Зинедин Зидан өзінің футболға қайта келуі жақын арада болатынын мәлімдеді. Бапкер журналистерге берген сұхбатында жаңа командамен келіссөздер соңғы кезеңге жеткенін айтты. 53 жастағы маман үшін бұл ұзақ үзілістен кейінгі алғашқы бапкерлік қызмет болмақ.
"Бұл жақында болады, өте жақында", - деп келтіреді Зиданның сөзін инсайдер Фабрицио Романо.
"Реалдағы" жарқын кезең
Мадридтік "Реалдың" бас бапкері ретінде Зидан зор табысқа жетті - оның жетекшілігімен команда үш жыл қатарынан УЕФА Чемпиондар лигасын (2016, 2017, 2018) жеңіп алды, Испания чемпионы атанды, ел Суперкубогін және екі рет Клубтық әлем чемпионатында жеңіске жетті.
Мадридтіктердің осы кезеңдегі үстемдігі Зиданды XXI ғасырдың ең табысты бапкерлерінің біріне айналдырды.
Жаңа ұсынысты ұзақ күтті
Зидан "Реалдан" 2021 жылдың жазында кеткен. Содан бері ол жұмыссыз жүргенімен, маманды бірнеше рет Франция құрамасы мен Еуропаның жетекші клубтарымен байланыстырған болатын.
Енді Зиданның өзі айтқандай, оның футболға қайта оралуы - тек уақыт мәселесі.
Жарнама