Альваро Арбелоа мадридтік "Реал" клубының тарихына өз есімін ерекше рекордпен енгізіп жатыр. Бұл жетістікке бұған дейін Зинедин Зидан мен Карло Анчелотти секілді аңыз бапкерлер де жете алмаған, деп хабарлайды Vesti.kz.
Корольдік клубтың бас бапкері Чемпиондар лигасының плей-офф кезеңіндегі алғашқы төрт матчында қатарынан жеңіске жеткен тарихтағы алғашқы маман атанды. Бұл туралы Opta Sport хабарлап отыр.
Шешуші кезеде "Реал" екі матчта да "Бенфиканы" ұтты - 1:0 және 2:1. Одан кейін 1/8 финалда команда сенімді түрде "Манчестер Ситиден" басым түсті - 3:0 және 2:1.
Енді мадридтік ұжым ширек финалда "Бавария" немесе "Аталанта" командаларының бірімен кездеседі. Алғашқы ойында неміс клубы италиялықтарды 6:1 есебімен ойсырата ұтып, келесі кезеңге шығуға үлкен мүмкіндік жасады.
Бапкерлер туралы не білу керек?
Зинедин Зидан - "Реал" тарихындағы ең маңызды тұлғалардың бірі. Ол команданы екі кезеңде (2016–2018 және 2019–2021 жылдары) басқарды. Оның жетекшілігімен клуб Чемпиондар лигасын қатарынан үш рет жеңіп, бірегей жетістікке қол жеткізді.
Сонымен қатар, Зидан тұсында "Реал" екі рет Испания чемпионы атанып, УЕФА Суперкубогы, клубтық әлем чемпионаты және Испания Суперкубогын екі реттен жеңіп алды.
Карло Анчелотти — клуб тарихындағы ең көп жүлде иеленген бапкер. Ол екі кезеңде (2013–2015 және 2021–2025 жылдары) жұмыс істеп, "Реалды" 15 трофейге жеткізді.
Олардың қатарында үш Чемпиондар лигасы, екі Ла Лига титулы, екі Испания кубогы, елдің екі Суперкубогы, үш УЕФА Суперкубогы, екі клубтық әлем чемпионаты және бір Құрлықаралық кубок бар.
4 - Álvaro Arbeloa has become the first Real Madrid manager to win each of his first four matches in the knockout stages of the @ChampionsLeague.
— OptaJose (@OptaJose) March 17, 2026
Stamp. pic.twitter.com/X9eIR8gBSk
Жарнама