Франция құрамасының болашақ бас бапкері Зинедин Зидан ұлттық команданың капитаны әрі мадридтік "Реалдың" шабуылшысы Килиан Мбаппені өзінің жаңа жобасындағы негізгі тұлғаға айналдыруды жоспарлап отыр, деп хабарлайды Vesti.kz.
Мбаппе жаңа құраманың басты жұлдызы боладыL'Équipe басылымының мәліметінше, қызметіне кіріскеннен кейін Зиданның алғашқы міндеттерінің бірі – Франция құрамасының көшбасшысы Килиан Мбаппемен сенімді қарым-қатынасты одан әрі нығайту болмақ.
Франциялық маман "Реалдың" шабуылшысын болашақ командасының басты жұлдызы әрі ойын жүйесінің негізгі тірегі етуді қарастырып отыр.
Мбаппе Зиданның тағайындалатынын алдын ала білгенДереккөздің мәліметінше, Мбаппе Зиданның Франция құрамасының бас бапкері болатынын бұл ақпарат БАҚ-та жарияланардан бірнеше ай бұрын-ақ білген.
Сондай-ақ "Реалдың" бұрынғы бапкері мен Мбаппенің арасында бірнеше жылдан бері қалыптасқан сенімді қарым-қатынас бар. Бұл олардың ұлттық құрамадағы бірлескен жұмысының басталуын жеңіл ететінге ұқсайды.
Франция құрамасы үшін жаңа кезеңЗинедин Зидан 2021 жылдан бері бапкерлік қызмет атқарған жоқ. Ол мадридтік "Реалды" екі кезеңде жаттықтырып, осы уақыт ішінде 11 трофей жеңіп алды. Оның ішінде УЕФА Чемпиондар лигасының қатарынан үш мәрте жеңімпазы атанғаны ерекше аталады.
2026 жылғы әлем чемпионатында Франция құрамасы жартылай финалда кейіннен чемпион атанған Испаниядан 0:2 есебімен ұтылды. Ал үшінші орын үшін өткен матчта Англияға 4:6 есебімен жол берді.
Әлем чемпионаты аяқталғаннан кейін Дидье Дешам Франция құрамасының бас бапкері қызметінен кеткен болатын.