Мадридтік "Реалдың" жартылай қорғаушысы Орельен Тчуамени Франция құрамасының Ұлттар лигасының топтық кезеңіндегі соңғы матчтарына қатыса алмайды, деп хабарлайды Vesti.kz.
26 жастағы футболшы сейсенбі күні оң жамбасындағы бұлшықетінің жарақатына байланысты ұлттық құраманың жаттығуын мерзімінен бұрын аяқтаған.
"Реал" мен Франция құрамасының медициналық штабтары кеңескеннен кейін ұлттық команданың бас бапкері Зинедин Зидан футболшыны қосымша тексеруден өту үшін Мадридке қайтару туралы шешім қабылдады. Бапкерлер штабы жартылай қорғаушының орнына басқа ойыншыны шақыруды жоспарлап отырған жоқ.
Осылайша, Тчуамени 12 қарашада Италияға қарсы сырт алаңда өтетін матчқа және 15 қарашада Түркия құрамасымен өз алаңында болатын кездесуге қатыспайды.
Алдын ала болжам бойынша, жарақаты қайталанғандықтан, футболшы шамамен екі апта ем қабылдауы мүмкін. Оның 22 қарашаға жоспарланған Ла Лига аясындағы "Сельтаға" қарсы алдағы матчқа қатысуы әзірге белгісіз. Қалпына келу мерзімі Мадридте өтетін медициналық тексерулерден кейін нақтыланады.
Жарнама