Франция құрамасының бас бапкері Зинедин Зидан команда құрамына өзгерістер енгізуді жоспарлап отыр. Ол Лига 1-дің өткен маусымдағы үздік сұрмергені "Ренн" шабуылшысы Эстебан Лепольге ұлттық құрамаға шақырды, деп хабарлайды Vesti.kz.
Лепольге алдын ала шақырту жіберілдіRMC Sport мәліметінше, Зидан негізгі құрамды жарияламас бұрын 26 жастағы шабуылшыға Франция құрамасына алдын ала шақырту жіберген. Дегенмен футболшының қорытынды өтінімге ену-енбеуі кейінірек шешіледі.
Леполь 2025 жылдан бері "Ренн" сапында өнер көрсетіп келеді. Ол бұл клубқа "Анжеден" ауысқан. Өткен маусымда француз шабуылшысы чемпионатта 21 гол соғып, Лига 1-дің үздік сұрмергені атанды.
Шабуылшы жаңа маусым басталғаннан кейін де нәтижелі ойынын жалғастырды. Оның алғашқы үш матчта үш голы бар.
Леполь осы уақытқа дейін Францияның негізгі құрамасына бірде-бір рет шақырылған жоқ. Алайда оның нәтижелі ойыны жаңа бас бапкердің назарын аударды. Енді шабуылшы ұлттық құрама сапыннда алғаш рет ойнауы мүмкін.
Зидан Франция құрамасының бас бапкері ретіндегі алғашқы өтінімін 18 қыркүйекте жариялайды. Алдағы халықаралық үзіліс кезінде команда Ұлттар лигасында төрт матч өткізеді. Франция құрамасы Түркия, Бельгия, Италия және қайтадан Бельгияға қарсы ойнайды.