Футболдан 2026 жылғы әлем чемпионатының жартылай финалында Испанияға қарсы өткен матч Дидье Дешам үшін Франция құрамасының бас бапкері ретіндегі соңғы болды, деп хабарлайды Vesti.kz.
Жақын арада оның орнын тағы бір әйгілі франциялық маман Зинедин Зидан басады.
Бұл туралы танымал журналист әрі инсайдер Фабрицио Романо мәлімдеді. Оның айтуынша, 57 жастағы маманның Франция құрамасындағы дәуірі аяқталуға жақын.
Дешам ұлттық құрамамен енді әлем чемпионатындағы үшінші орын үшін соңғы матчын өткізеді. Одан кейін оған құрметпен шығарып салу рәсімі ұйымдастырылып, Франция құрамасының жаңа бас бапкері болып Зинедин Зидан тағайындалады.
??? OFFICIAL: Didier Deschamps’ cycle as France head coach comes to an end. It’s over. ??
— Fabrizio Romano (@FabrizioRomano) July 14, 2026
Last game for the 3rd and 4th place then his goodbye… and the start of Zinedine Zidane era. pic.twitter.com/d3UIAOcEEd
"Франция үшін ары қарай: Зиданның дәуірі. Жуырда", - деп жазды Романо Х әлеуметтік желісінде.
??? Up next for France: Zinedine Zidane era. Coming soon. ? pic.twitter.com/kMpGW6lg4y
— Fabrizio Romano (@FabrizioRomano) July 14, 2026
Еске салайық, әлем чемпионатының жартылай финалында Франция құрамасы Испаниядан 0:2 есебімен ұтылып қалды. Луис де ла Фуэнте шәкірттері турнирдің финалына жолдама алып, Англия мен Аргентина арасындағы жартылай финал жеңімпазымен кездеседі. Ал Франция құрамасы қола жүлде үшін бақ сынайды.
Жарнама