Мәскеулік ЦСКА командасының жартылай қорғаушысы Бахтиер Зайнутдинов Түркия жерінде оқу-жаттығу жиындарын өткізіп жатқан "Тараз" клубына келіп, жағдайын айтып берді, деп жазады Vesti.kz тілшісі.
Зайнутдинов бұрынғы командаластарымен қонақ үйде кездесті. Ол денсаулығына байланысты сұраққа: "Барлығы дұрыс, қалыпқа келудемін", - деп жауап берді.
Еске салайық, Зайнутдинов "Тараз" сапында 2017 жылы өнер көрсетті. Ол жамбылдық клуб сапында 28 кездесуге қатысып, 7 гол соғып, үш нәтижелі пас берді.