Испания құрамасының бас бапкері Луис де ла Фуэнте "Барселона" вингері Ламин Ямалдың ұлттық құраманың базасынан кету туралы шешіміне наразылығын білдірді, деп хабарлайды Vesti.kz.
Федерациядағы наразылық17 жастағы вингердің Испания құрамасынан кетуі Корольдік футбол федерациясы (RFEF) мен "Барселона" клубы арасында үлкен келіспеушілік туғызды. Федерация өкілдері Ямалдың медициналық тексерісі ұлттық құраманың бапкерлік штабының келісімінсіз өткеніне реніш білдірді. Бұған дейін RFEF футболшының 2026 жылғы әлем чемпионатының іріктеу кезеңіндегі шешуші матчтарға қатысады деп үміттенгенін мәлімдеген болатын.
Don Balon ақпаратына сүйенсек, "қызыл фурияның" бас бапкері Луис де ла Фуэнте Ямалдың әрекетіне қатты ренжулі. Ол ойыншының өз еркімен құрамадан кетуін дұрыс шешім деп санамайды және оның жеңіл жарақатына қарамастан командада қала алатынын айтты. Бапкердің пікірінше, егер футболшы "Барселона" үшін ойнай алса, онда ол ұлттық құрамаға да көмектесуге дайын болуы керек.
Салдары қандай болуы мүмкін?Дереккөздің хабарлауынша, де ла Фуэнте тек Ямалдың шешіміне ғана емес, сонымен қатар, оның бастамашылдық танытпай, шешімді клубтың қабылдауына жол бергеніне де көңілі толмаған. Соған қарамастан, бапкер жас футболшының әлеуетіне сенетінін және қарым-қатынас қалпына келтірілсе, болашақта оны қайта шақыруға дайын екенін атап өтті.