Каталондық "Барселона" клубының вингері Ламин Ямаль Испания құрамасының бас бапкері Луис де ла Фуэнтеге өзі хабарласып, тізесі ауырыңқырап, жайсыз болып жүргенін айтыпты. Осыдан кейін футболшыны қараша айындағы матчтарға шақырмау туралы шешім қабылданды, деп хабарлайды Vesti.kz.
Ямаль де ла Фуэнтеге алаңға шыға алмайтынын айтқан
Журналист Хуанфе Санстың мәліметінше, 19 жастағы испаниялық футболшы ұлттық құраманың бас бапкеріне өзі телефон шалып, жағдайын түсіндірген және алдағы кездесулерге не себепті қатыса алмайтынын айтыпты.
Дегенмен футболшының жарақаты толық анықталмаған. Ол тізесінде жайсыздық сезінгенімен, әзірге ешқандай зақым диагнозы қойылмаған.
"Ламин де ла Фуэнтеге хабарласып, тізесіндегі жайсыздық туралы айтқан", - деді Санс El Chiringuito de Jugones бағдарламасында.
Жағдайды бағалағаннан кейін ұлттық құраманың бапкерлер штабы футболшының денсаулығына қауіп төндірмеу туралы шешім қабылдады. Осылайша, Ямальға қалпына келуіне көңіл бөлу үшін "Барселона" клубының орналасқан жерінде қалуға рұқсат берілді. Бұл шешім маусымның қарбалас кезеңінде футболшының жағдайы нашарлап кету қаупін азайтуға мүмкіндік береді.
Ямалдың осы маусымдағы статистикасы
Осы маусымда Ямаль "Барселона" сапында барлық турнирде 16 матч өткізіп, 13 гол соқты және 12 нәтижелі пас берді.
Ұлттар лигасының төрт турынан кейін Испания құрамасы 12 ұпай жинап, С тобында көш бастап тұр.
Айта кетейік, Ямаль Ла Лиганың 12-туры аясында "Барселонаның" "Атлетиконы" 2:1 есебімен ұтқан матчтан кейін тізесінде жайсыздық сезінген.
Жарнама