Каталондық "Барселона" мен Испания құрамасының вингері Ламин Ямаль Испания чемпионатының матчтары арасындағы үзілісті пайдаланып, қысқа демалысында Парижге кетті. Футболшы Франция астанасынан суреттерін әлеуметтік желідегі парақшасында жариялады, деп хабарлайды Vesti.kz.
Ямаль Парижге кетті
19 жастағы футболшы Ла Лигадағы матчтар арасындағы үзілісті пайдаланып, Франция астанасына кетті. Ямаль Парижден түскен суреттерін әлеуметтік желіде бөлісті.
Шағын демалысқа шығар алдында испаниялық футболшы алаңда жарқын өнер көрсетті. Ла Лиганың 3-туры аясында "Барселона" мадридтік "Райо Вальеканоны" 5:2 есебімен ойсырата жеңіп, Ямаль дубль жасады. Бұл оның жаңа маусымдағы алғашқы голдары болды.
Осы кездесудегі голдарының бірі вингер үшін тарихи мәнге ие болды. Дубльден кейін Ямальдың "Барселона" сапындағы барлық турнирлерде соққан голдарының саны 51-ге жетті. Ол 19 жас 49 күнінде Еуропаның үздік бес чемпионаты тарихында 50 голдық межеге жеткен ең жас футболшы атанды.
Келесі матч 6 қыркүйекте
Ла Лиганың келесі турында "Барселона" "Валенсиямен" кездеседі. Матч 6 қыркүйекте өтеді.
Ямальдың каталондық клубпен қазіргі келісімшарты 2031 жылғы 30 маусымға дейін жарамды. Transfermarkt мәліметінше, испаниялық қанат ойыншысының нарықтағы құны 220 миллион еуроға бағаланып отыр.
Бұған дейін Ямаль Килиан Мбаппе мен Винисиус Жуниорды басып озып, жаңа маусымның үздік ойыншысы атанған еді.
Жарнама