Белгілі ресейлік маман Владимир Газзаев түркістандық "Тұранды" тізгіндемек, деп хабарлайды "Чемпионат" порталы.
Қазақстан чемпионатының өткен маусымында "Тұран" турнирлік кестеде 12-орынға тұрақтады. Түркістандық клуб 26 кездесуде 26 ұпай жинады. Команданы Абдухалық Бөрібаев жаттықтырды. Маусым соңына қарай 52 жастағы маман қызметінен кетті. Ал оның қызметін уақытша Қуаныш Қабдолов атқарды.
Еске сала кетейік, Владимир Газзаев 2014-2015 және 2019 жылдары Қазақстанда "Ақтөбе" және "Тобылды" жаттықтырған болатын.