Мадридтік "Реал" мен команданың шабуылшысы Винисиус Жуниор жаңа келісімшарт бойынша келісімге келді, деп хабарлайды Vesti.kz.
Журналист Рамон Альварес де Монның мәліметінше, тараптар жаңа келісімнің барлық шартын мақұлдады. Енді құжатқа жақын күндері қол қойылады деп күтілуде.
Айта кетейік, 26 жастағы бразилиялық футболшының Испанияның 36 дүркін чемпионымен қазіргі келісімшарты 2027 жылдың 30 маусымына дейін жарамды.
Винисиус Жуниор "Реал" сапында 2018 жылдан бері өнер көрсетіп келеді және осы уақыт ішінде мадридтік клубтың негізгі ойыншыларының біріне айналды. Ол "Реалға" бразилиялық "Фламенгодан" 45 миллион еуроға ауысқан болатын.
Осы уақыт аралығында шабуылшы барлық турнирде 375 матч өткізіп, 128 гол соғып, 100 нәтижелі пас берді.
"Корольдік клуб" сапында Винисиус Испания чемпионы атанды, клубтар арасындағы әлем чемпионатын екі рет жеңіп, Испания кубогын иеленді. Сонымен қатар ол екі мәрте УЕФА Чемпиондар лигасының жеңімпазы атанаған.
Жарнама