Франция құрамасы мен Францияның "Пари Сен-Жермен" клубының вингері Усман Дембеле Сауд Арабиясының "Әл-Хилял" клубынан түскен тиімді ұсынысқа қатысты шешім қабылдады, деп хабарлайды Vesti.kz.
"Алтын доп" иегері Сауд Арабиясына көшуден бас тарттыЖурналист Саша Тавольеридің мәліметінше, "Алтын доптың" қазіргі иегері, Париж клубында жалғастыруды жөн көрген.
Дереккөздің хабарлауынша, 28 жастағы Дембеле жақын арада Чемпиондар лигасының қазіргі жеңімпазы ПСЖ-мен жаңа келісімшартқа қол қоюы мүмкін.
Маусымды жоғары деңгейде өткізді2025/26 жылғы маусымда Усман Дембеле ПСЖ-ның негізгі көшбасшыларының бірі болды.
Франциялық футболшы барлық турнирде 40 матч өткізіп, 20 гол соғып, 11 нәтижелі пас берді.
Ол 2026 жылғы әлем чемпионатында да жарқын ойын өрнегін көрсетті. Франция құрамасы сапында сегіз матчқа қатысып, оның жетеуінде негізгі құрамда алаңға шықты. Дембеле турнир барысында алты гол соғып, екі нәтижелі пастың авторы атанды.
Карьерасы мен нарықтық құныУсман Дембеле ПСЖ сапына каталониялық "Барселонадан" 50 миллион еуроға ауысқан болатын.
Бұған дейін ол "Барселона", Дортмундтың "Боруссиясы" және Францияның "Ренн" клубтарының намысын қорғады. Қазіргі келісімшарт бойынша Дембеленің ПСЖ-мен келісімі 2028 жылдың жазына дейін жарамды.
Transfermarkt порталының бағалауынша, "Алтын доп" иегерінің нарықтық құны 100 миллион еуроны құрайды.