Уругвай мен Оңтүстік Корея құрамалары ФИФА таратқан ақпарат бойынша Қатардағы әлем чемпионатында бір-бірінің қақпасына бірде-бір тіке соққы жасамаған, деп жазады Vesti.kz тілшісі.
Бұл кездесуде Уругвай он, ал Корея құрамасы алты рет соққы жасаған. Н тобындағы аталған кездесу 0:0 есебімен аяқталды.
Gracenote Sports мәліметі бойынша, бұл XXI ғасырда әлем чемпионатында қақпаға бірде-бір тіке соққы жасалмаған кездесу болды.
Ал WhoScored және Opta Analyst ақпаратынша, Уругвай бұл кездесуде қақпаға бір дәл соққы жасаған.