Каталониялық "Барселона" жұлдызы Ламин Ямаль жасөспірім кезде жасағаны үшін тағы да жапа шегіп отыр, деп хабарлайды Vesti.kz.
Meczyki басылымының мәліметінше, бұл оқиға жақында жарық көрген футболшының автобиографиялық кітабында сипатталған.
2023 жылы Испания жасөспірімдер құрамасындағы Ямаль "Атлетико" ойыншысы Даниэль Муньос және "Реалдың" жас қорғаушысы Хесус Фортеамен бірге ұлттық федерация психологына телефон арқылы аноним түрде қоңырау шалып, әзілдеген.
Олар белгісіз нөмірден хабарласып, әйел маманды қорқытпақ болған. Бұл әзіл мүлде орынсыз және дөрекі болғандықтан психолог маман полицияға жүгініпті.
Осы жағдайдың салдары Ламин мен оның достары үшін айтарлықтай елеулі болды. "Барселона" басшылығы бұл оқиғадан кейін Ямальді төрт матчқа шеттетіп, негізгі құрамнан алып тастаған.
Бұл оқиға бұрын болғанымен, Ямальдің қарқынды өсіп келе жатқанында қайта көтеріліп отырғаны түсініксіз.
Өткен Ла Лига маусымында 17 жастағы вингер 35 матч өткізіп, 9 гол және 15 нәтижелі паспен көзге түсті. Ол Чемпиондар лигасында да жарқырап өнер көрсетті, қазір ПСЖ шабуылшысы Усман Дембелемен бірге "Алтын допқа" үміткерлердің қатарында.
Жарнама