Ұлттық құрама үшін ойнаған спорт министрі футболшыны ұрып құлатты

Мальдив елінің жастар ісі, спорт және қоғамдық өмір министрі Ашад Али Шри-Ланкада өтіп жатқан турнир аясында Сейшел командасымен жолдастық кездесуде алаңнан қуылды. 

35 жастағы Али ұлттық құрама сапында алаңға екінші таймда шығып, екі минут өтпей жатып қарсылас команда футболшысын басынан ұрды. Осы үшін ол қызыл қағаз алып, ойыннан шеттелді. 

Бұл оқиғаны Мальдив жоғары сотының баспасөз хатшысы Амин Файсал твиттерде жариялап: "Бұл футбол емес! Ашад Али, бұл масқара!" - деп жазыпты.

This is not football! This is not just football! @ashadh_ali u are a disgrace! ? pic.twitter.com/daOzHqN6pH

— Ameen Faisal (@Ameenfaisall) November 16, 2021

2018 жылы министр болғанға дейін Али футбошы еді, алайда, одан кейін де карьерасын аяқтамады.