Футболдан Ұлттар лигасы жарысының ширек финалына жолдама алған барлық құрама белгілі болды, деп хабарлайды msports.kz сайты.
Топтық кезең нәтижесі бойынша Португалия, Хорватия, Франция, Италия, Германия, Нидерланд, Испания және Дания құрамалары ширек финалға шықты.
Плей-оффтың жеребе тарту рәсімі 22 қараша күні Швейцарияның Ньон қаласында өтеді.
Ширек финалдағы ойындар 2025 жылдың 20-23 наурыз аралығына жоспарланған. Жартылай финал 4-5 маусымда өтсе, үшінші орын мен финал матчы 8 маусымда өтеді.
Қазіргі таңда Ұлттар лигасының жеңімпазы - Испания құрамасы.
Айта кетейік, Ұлттар лигасына Қазақстан құрамасы да қатысты. В дивизионындағы 3-топта болған отандастарымыз жарыста бірде-бір гол соға алған жоқ. Нәтижесінде С дивизионына төмендеді.