Украиналық қорғаушы қарағандылық "Шахтермен" келісімшартқа отырды

Қарағандылық "Шахтер" украиналық қорғаушы Артем Барановскиймен келісішарт жасасты, - деп хабарлайды футбол клубының ресми сайты.

Келісімшарт мерзімі бір жыл. 

Барановский 1990 жылы 17 наурызда Донецк облысындағы Красногоровкада дүниеге келген. Донецктік "Металлург" пен Олимпиада резерві училищесінің түлегі. Ксәіби карьерасын 2007 жылы "Титан" клубында бастады, сонымен бірге, отанында "Металлург" (Донецк), "Сталь" (Каменское) және "Олимпик" (Донецк) сияқты клубтарда ойнады.

Украина чемпионаттры мен Кубогында 124 матч өткізіп, екі гол салған. 28 жастағы қорғаушы соңғы екі маусымды тәжікстандық "Истиклол" сапында өткізді. 

Transfermarkt сайтының мәліметінше, футболшының трансферлік құны 500 мың еуро.