Украина құрамасының жартылай қорғаушысы Қазақстанға келе жатып уланып қалыпты

Футболдан Украина құрамасының тәжірибелі жартылай қорғаушысы Тарас Степаненконың не үшін Қазақстан құрамасына қарсы кездесуге қатыспағаны анықталды, деп хабарлайды Terrikon.com порталы. 

Украина құрамасының жаңа бас бапкері Александр Петраков Степаненконы Қазақстанға қарсы кездесуге қатысатын футболшылардың тізімене қоспаған. Құраманың баспасөз қызметінің басшысы Александр Гливинскийдің айтуынша, 32 жастағы "Шахтердің" футболшысы Қазақстанға ұшып келе жатқанда ұшақта сэндвичтен ұланып қалған. Сол үшін ол "Астана-Арена" стадионындағы ойынға қатыспады. 

Енді ол қыркүйек күні Киев қаласындағы "Олимпиский" стадионында өтетін Францияға қарсы матчқа қатысуы мүмкін.