Еуропалық футбол қауымдастықтары одағы (УЕФА) Алматының "Қайрат" клубы мен Шотландияның "Селтик" командасы арасындағы Чемпиондар лигасы плей-офф кезеңінің қарымта матчіне төрешілер құрамын тағайындады, деп хабарлайды Vesti.kz.
Бас төреші қызметін италиялық Маурицио Мариани атқарады. Оған көмек көрсететін ассистент төрешілер - Даниеле Биндони мен Альберто Тегони. Төртінші төреші — Маттео Маркетти, видео жүйесінің (VAR) бас төрешісі — Марко Ди Белло, ал оның көмекшісі — Валерио Марини.
Қарымта матч 26 тамыз күні Алматыдағы "Орталық" стадионда өтеді және сағат 21:45-те басталады.
Еске салайық, Глазгода өткен кездесу сенсациялық тең нәтижемен - 0:0 есебімен аяқталған болатын. Бұл жұптың жеңімпазы Чемпиондар лигасының топтық кезеңіне жолдама алады, ал ұтылған команда Еуропа лигасында өнерін жалғастырады.
Жарнама