УЕФА Англия құрамасына қатысты тәртіптік іс қозғады
Еуропалық футбол қауымдастықтарының одағы Англия мен Дания құрамалары арасындағы EURO-2020 матчінің қорытындысы бойынша тәртіптік іс ашты, - деп хабарлайды Tengrinews.kz тілшісі Reuters-ке сілтеме жасап.
Англия футбол қауымдастығына жанкүйерлер лазер таяқша қолданғаны үшін, Дания әнұранын орындап жатқанда жанкүйерлердің орынсыз әрекеті мен трибуналарда пиротехника қолданғаны үшін айып тағылды.
УЕФА бақылау-этикалық және тәртіптік инстанциялары (CEDB) Дания қақпашысы Каспер Шмейхельді қарсыластары қақпаға айып добын соғу кезінде лазер сәулесін көзіне шағылыстырып, кедергі келтірген ағылшын жанкүйерлеріне де қатысты істі қарап жатыр.
it’s a total disgrace that someone flashed a green laser in the face of Kasper Schmeichel last night. England football fans really let the country down sometimes ? pic.twitter.com/UoEz8Ed3ms
— Tom Warren (@tomwarren) July 8, 2021
Ағылшын Гарри Кейн қосымша уақытта 11 метрден соққы жасауға дайындалып жатқанда Дания құрамасының қақпашысының бетіне белгісіз біреу лазер жаққаны атап өтілді. Оған қарамастан, Шмейхель соққыға тойтарыс бере алды.
Еске салайық, Англия тарихта алғаш рет футболдан Еуропа чемпионатының финалына шықты. 2020 жылғы Еуропа чемпионатының жартылай финал матчінде Англия құрамасы Данияны жеңді. Лондондағы Уэмбли стадионында өткен ойынның негізгі уақыты 1:1 есебімен аяқталды.
Загрузка матч-центра...
Жарнама