Түркия құрамасы 2026 жылғы әлем чемпионатын сәтсіз бастады. Винченцо Монтелла шәкірттері топтық кезеңнің алғашқы турында Аустралияға 0:2 есебімен есе жіберді, деп хабарлайды Vesti.kz.
Матчтағы жеңіліске қарамастан, түрік футболшылары ойын барысында айтарлықтай басымдыққа ие болды. Олар қарсылас қақпасына 30 мәрте соққы бағыттаса, аустралиялықтар небәрі тоғыз соққымен шектелді. Алайда Түркия құрамасы өз мүмкіндіктерін голға айналдыра алмады.
Статистикаға сәйкес, түріктердің 30 соққысының сегізі қақпа бағанының арасына дәл бағытталған. Ал Аустралия тоғыз рет соққы жасап, оның төртеуі қақпаға дәл тиген.
Opta мәліметінше, бұл кездесу әлем біріншіліктері тарихындағы ерекше көрсеткіштердің біріне айналды. 1974 жылдан бері алғаш рет қарсылас қақпасына кемінде 30 соққы жасаған құрама матчта жеңіліп, бірде-бір гол соға алмады.
Бұған дейін мұндай жағдай 52 жыл бұрын тіркелген еді. Сол кезде Уругвай құрамасы Швециядан 0:3 есебімен жеңіліс тапқан болатын.
Сондай-ақ, бұл – 2006 жылдан бергі мундиальдардағы 30 немесе одан көп соққы жасаған команданың голсыз қалған алғашқы матчы. Бұған дейін осындай көрсеткіш Германияда өткен әлем чемпионатының ширек финалында тіркелген. Ол кездесуде Португалия құрамасы Англия қақпасына 30-дан астам соққы жасағанымен, матчта гол соғылмаған еді.
Жарнама