ЦСКА-дан жақсы, "Бешикташпен" тең. "Астана" ЛЕ-ні еуропалық клубтардан жақсы аяқтаған

"Астана" Еуропа лигасы топтық раундының қорытындысы бойынша үш ұпай жинап, жарыс жолын аяқтады. Дегенмен Роман Григорчук жаттықытратын команда Норвегия мен Түркия клубтарынан жақсы өнер көрсетті, - деп хабарлайды Vesti.kz.

"Астана" турнирдің шешуші матчінде сербиялық "Партизаннан" ұтылды - 1.4. Үш балл жинаған астаналық команда норвегиялық "Русенборг" және түркиялық "Трабзонспор" клубтарынан асып түсті. Бұл командаларда тек бір ұпайдан.

Ал швейцариялық "Лугано",  украиналық "Александрия" мен түркиялық "Бешикташ" қазақстандық командамен бір деңгейде ойнаған.

Сонымен бірге, Қазақстан чемпионы бұл турнирде төрт гол салған. Бұл мәскеулік ЦСКА, жоғарыда айтылған "Русенборг", "Трабзонспор" (үш голдан) және екі голы бар "Луганодан" жоғары.