Қостанайлық "Тобыл" өз алаңында "Астананы", ал алматылық "Қайрат" шымкенттік "Ордабасыны" қабылдайды. Екі ойын да астана уақытымен 19:00-де басталады, ал матчтерді ПФЛК-ТВ жобасы тікелей эфирде көрсетеді.
38 ұпаймен "Тобыл" ҚПЛ-дің турнир кестесінде бірінші тұр, одан кейін "Астана" (35 балл), "Қайрат" (32) және "Ордабасы" (30). Осыған дейін қостанайлықтар мен шымкенттіктер 16 матч, алматылықтар - 17, ал астаналық клуб - 18 ойын өткізгенін айта кетейік.
ҚПЛ 17-ші турының екінші матчтері 6 шілдеде өтеді.