Италияның "Милан" клубы Еуропа лигасы жалпы кезеңінің екінші турында сырт аустриялық "Ред Булл Зальцбург" командасын сырт алаңда ойсыратып тастады, деп хабарлайды Vesti.kz.
Аустрияда өткен кездесу қонақтардың таза жеңісімен бітті - 4:0.
"Миланның" италиялық вингері Альфаджо Сиссе матчтың басты қаһарманы атанып, қарсылас қақпасына үш гол соқты. Ол 15-минутта баспен соққы жасап, есеп ашты. Ал 33-минутта дубль, ал екінші таймның басында, 49-минутта Сиссе хет-трик жасады.
72-минутта Гонсалу Рамуш төртінші голды соғып, есеп айырмасын ұлғайтты. Негізгі уақыттың аяқталуына алты минут қалғанда қонақтар қорғаушысы Филиппо Терраччано тікелей қызыл қағаз алып, алаңнан қуылды.
"Милан" Еуропа лигасының жалпы кезеңінде алғашқы үш ұпайын жинады. Алғашқы турда италиялықтар Португалияның "Бенфика" клубына 0:2 есебімен есе жіберген еді. "Ред Булл Зальцбургтің" еншісінде бұрынғыдай үш ұпай бар. Аустриялық клуб бұған дейін Болгарияның "Левски" командасын 1:0 есебімен ұтқан болатын.
Үшінші турда "Зальцбург" "Целе" клубымен кездессе, "Милан" "Борнмутпен" ойнайды.
What. A. Win! ? https://t.co/Ey1mjYOtu4
— AC Milan (@acmilan) October 15, 2026
Жарнама