"Тарихта қалғымыз келеді". Моуриньо КЛ-2022 финалы жайлы

"Рома" бас бапкері Жозе Моуриньо Конференция Лигасының финалы алдында пікір білдірді, деп хабарлайды Vesti.kz тілшісі.

"Финалдық матч Еуропа алаңдарында өткізгелі тұрған он бесінші ойынымыз болмақ. Осы турнир үшін ішкі чемпионатта талай рет сүріндік. Себебі Конференция Лигасы деген кәдімгідей ауыр турнир. Енді финалда жеңіске жетіп, тарихта қалғымыз келеді. "Фейеноорд" командасында финал алдындағы басымдық бар. Себебі Нидерланды чемпионаты аяқталып қойды. Олар енді тек финалға дайындық жасап жатыр. Ал бізде әлі "Ториномен" өтетін маңызды ойын күтіп тұр. Бірақ шыдамдылық танытып, маусымда қалған екі матчта жеңіске жетуіміз керек", - дейді португалиялық маман.

Еске салайық, Конференция Лигасының финалы 25 мамыр күні Албания астанасы Тиранада өтеді.