Жамбылдық "Тараз" командасының бапкерлері мен футболшылары футболдан Қазақстан біріншілігінің соңын жалақысыз ойнап беруге келісті. Бұл туралы клубтың атқарушы директоры Талғат Тұрлыбайұлы айтты.
"Қуанышымызға орай, біздің барлық ойыншыларымыз, қазақстандық және шет елдік футболшылар, сонымен қатар бапкерлер келіссөзден кейін клубтың жағдайын түсініп, маусымның соңын келісімшарттарының аяқталғанына қарамастан тегін ойнап беретін болды. Осындай қиын жағдайда футболшылар мен бапкерлердің командадан кетіп қалмағанына қатты қуынтымыш", - деп келтіреді Тұрлыбайұлының сөзін клубтың баспасөз қызметі.
Айта кетейік, бүгін, 21-қараша күні "Тараз" командасы ел біріншілігінің 19-турында "Жетісу" командасымен кездеседі. Содан соң жамбылдық команда тағы үш кездесу өткізеді.