Британиялық жартылай кәсіби "Ньюкасл Таун" командасының футболшысы Джозеф Тревор 18 жастағы қызды зорлап, өлтіргені үшін өмір бойына бас бостандығынан айырылды, - деп хабарлайды Eurosport порталы Daily Star басылымына сілтеме жасап.
Оқиға былтыр сәуірде болған. Қылмыс құрбаны болған Меган Ньютон жұмыстан шығып, Kiln түнгі клубына барған. Клубтан шығарда ол мектеп кезінен танитын Треворды кездестіріп қалады. Осыдан кейін олар қыздың үйіне барған.
19 жастағы Тревор бұрын да зорлау бойынша айыпты болған, бірақ, ол кезде іс сотқа дейін бармады. Футболшының сөзінше, Меганның осы оқиғаны достарына айтып бергені жанжалға себеп болған.
Полиция арқасынан тоғыз рет пышақталған Ньютонның денесін тауып алады. Осы түні Тревор ішімдік ішіп, есірткі қолданғаны анықталды - кетами, кокаин да болуы мүмкін. Спортшы ұсталғаннан кейін қылмысын мойындады.