Эшли Янг кәсіби мансабындағы соңғы ойынын 2 мамыр күні өткізетінін мәлімдеді. Бұл күні Ипсвич Таун Чемпионшиптің 46-туры аясында Куинз Парк Рейнджерс командасымен кездеседі, деп хабарлайды Vesti.kz.
Тәжірибелі қорғаушы әлеуметтік желідегі жазбасында өзінің ұзақ жолын еске алды.
«Сефтон Роудтан» бастап «Викаридж Роудқа», «Вилла Паркке», «Уэмблиге», «Олд Траффордқа», «Сан-Сироға», қайтадан «Вилла Паркке», одан кейін «Гудисон Паркке» және соңында «Портман Роудқа» дейінгі сапар — бала күнімде тек армандаған керемет жол болды. Бірақ әр арманның соңы болады. Сенбі күні менің кәсіби мансабымдағы соңғы матч болуы мүмкін. 23 жыл — және бәрі осы. Жалғасы бар…» — деп жазды ол.
40 жастағы Эшли Янг мансабында "Уотфорд", "Астон Вилла", "Манчестер Юнайтед", "Эвертон" және италиялық "Интер" клубтарында өнер көрсеткен.
Жарнама