Талғат Байсуфинов коронавирустан айығып шықты

Футболдан Қазақстан құрамасының бас бапкері Талғат Байсуфинов коронавирустан айығып шықты, деп хабарлайды Қазақстан футбол федерациясының ресми сайты. 

Екі апта бұрын бас бапкер коронавирус жұқтырып, оқшауланған болатын. Талғат Маруаұлының соңғы аптада бірнеше тест тапсырған. Бапкер бүгін тағы да тест тапсырды. Оның қорытындысы бойынша бапкердің коронавирустан айығып шыққаны анықталды. 

Енді бапкер ертең Украинаға қарсы кездесуде Қазақстан құрамасын алаң жиегінен басқаратын болады. 

ҚФФ таратқан ақпарат бойынша, қазір бапкердің денсаулығы жақсы. Бүгін ойын алдындағы жаттығуды онлайн режимінде өткізді.