Рональд Куман Нидерланды құрамасы 2026 жылғы футболдан әлем чемпионатындағы сәтсіз өнер көрсеткеннен кейін қызметінен ресми түрде кетті, деп хабарлайды Vesti.kz.
63 жастағы маман жазда аяқталатын келісімшартын ұзартпайтынын Нидерландының Корольдік футбол қауымдастығына (KNVB) хабарлаған.
Бұл шешім "қызғалдақтар" 1/16 финалда Мароккодан (1:1, пенальтиден – 2:3) күтпеген жерден ұтылып, турнирден шығып қалғаннан бір күн өткен соң қабылданды. Куман қазір отбасысына көбірек уақыт бөлетін кез келгенін айтты.
Осылайша, мундиальдегі бапкерлердің жаппай қызметтен кетуі жалғасын тапты. Қатаң қысым мен көңіл көншітпеген нәтижелер салдарынан бірнеше танымал маман өз қызметінен айырылды.
"Түкіргенім бар". ӘЧ-2026-дан шығып қалған Нидерландының бапкері мәлімдеме жасады
ӘЧ-2026 кезінде қызметінен кеткен бапкерлер
Қазіргі әлем чемпионаты жұмыстан босатулар мен отставкалардың көптігімен ерекшеленіп отыр. Қазірдің өзінде бірнеше бапкер қызметінен кетті:
Сабри Лямуши (Тунис) – әлем чемпионаттары тарихындағы ең жылдам қызметінен кеткен бапкер атанды. Федерация алғашқы турдағы Швециядан 1:5 есебімен ойсырай жеңілгеннен кейін бірнеше сағат ішінде-ақ келісімшартын бұзды. Оның орнына шұғыл түрде Эрве Ренар тағайындалды.
Хон Мён Бо (Оңтүстік Корея) – жанкүйерлердің қатаң сыны мен ел президенті тарапынан жасалған қысымнан кейін отставкаға кетті. Оңтүстік Корея құрамасы Мексика мен ОАР-дан жеңіліп, топтық кезеңнен аса алмады. Команда Сеулге оралғанда жанкүйерлер бапкерді наразылық ұрандарымен қарсы алды.
Мирослав Коубек (Чехия) – 74 жастағы тәжірибелі маман тараптардың өзара келісімімен қызметінен кетті. Чехия құрамасы Оңтүстік Корея, ОАР және Мексикамен өткен кездесулерде небәрі бір ұпай жинап, А тобында соңғы орын алды.
Жарнама