Словакия құрамасының жартылай қорғаушысы Владимир Вайсс Ұлттар лигасы Қазақстан құрамасына қарсы кездесуге қатыспайды, деп жазады Vesti.kz тілшісі.
Вайсс Әзірбайжан құрамасына қарсы өткен кездесуде (0:1) сары қағаз алып қалды. Бұл жартылай қорғаушы үшін биылғы Ұлттар лигасындағы екінші сары қағаз. Сол себепті, Владимир Вайс 13 маусым күні Нұр-Сұлтан қаласында Қазақстанға қарсы екінші кездесуге қатыспайды.
Еске салайық, Қазақстан мен Словакия арасындағы бірінші кездесу 6 маусым күні Трнава қаласында өтіп, 1:0 есебімен біздің пайдамызға аяқталды. Ойындағы жалғыз голды Асылан Дарабаев соқты.